ШМХФ сургуулийн удирдлагууд Япон улсад туршлага судалж байна.

Шинэ Монгол Харүмафүжи Сургуулийн гүйцэтгэх захирал Н.Өлзийсайхан тэргүүтэй удирдлагын багийн 9 төлөөлөл 2025 оны 1-р сарын 12-ноос 1-р сарын 26-ны хооронд Япон улсын боловсролын байгууллагын үйл ажиллагаатай танилцаж, сургуулийн менежментийн туршлага судалж байна.

Энэхүү хөтөлбөрийн хүрээнд Нийгата мужийн Санжоо хотын Раннан бага дунд сургууль, Санжоо ахлах сургууль, Фүкүй мужийн Фүкүй хотын Канай эрдмийн хүрээлэн, Чиба хотын Котэхаши-Дай дунд сургууль, Рэйтакү бага сургууль, Рэйтакү Их сургууль, Рэйтакү дунд ахлах сургууль, Аояма бага сургууль, Аояама дунд сургуулиудад айлчлахаар төлөвлөөд байна.

ШМХФ сургууль нь япон хэв шинжийн сургууль учир туршлага судлах үйл ажиллагааны гол зорилго нь япон улсын боловсролын тогтолцоо, сургалтын үйл ажиллагааны онцлог, сургуулиудын алсын хараа эрхэм зорилго, сургалтын хөтөлбөр, боловсролын түвшин бүрийн уялдаа холбоо, багш нарын ажиллах арга барил, хичээлээс гадуурх үйл ажиллагаа, хичээлийн нэг жилийн төлөвлөгөө, бүтэц зохион байгуулалттай танилцан, сургуулийнхаа үйл ажиллагаанд тусган сайжруулахад оршиж байна.

Шинэ Монгол Харүмафүжи сургуулийнхаа удирдлагын багийн хамт олондоо Япон улс дахь туршлага судлах хөтөлбөрт нь амжилт хүсье.