Бүгд Найрамдах Филиппин Улсын Сэбү хотод өвлийн англи хэлний сургалтад сурагчид хамрагдаж байна.

ШМХФС болон Кампус Топ ХХК-ийн хамтын ажиллагааны хүрээнд QQ English олон улсын англи хэлний хөтөлбөрт оролцохоор багш сурагчид маань Филиппин Улсын Сэбү хотод очлоо.

Сургалтад 8-11-р ангийн нийт 6 сурагчид 2025 оны 01 дүгээр сарын 7-ноос 23-ны өдрүүдэд хамрагдаж, олон орны сурагчидтай харилцаж, туршлага солилцоно.

Өвлийн сургалт нь хүүхэд бүрийн англи хэлний түвшинд тохирсон, үндсэн 4 чадварыг жигд хөгжүүлэх ганцаарчилсан сургалт бөгөөд IELTS-д бэлтгэх хөтөлбөрийг багтаасан гэдгээрээ онцлог юм.

Энэхүү хөтөлбөр нь ШМХФ сургуулиас зохион байгуулж байгаа анхны англи хэлний сургалт болж байна.

Сурагчдадаа амжилт хүсье.